我用咗樽裝蕃茄醬,豬扒砌成粒煮埋一碟
嘅扁意粉.
冇乜特別,但我個仔話好好味喎.
今日去惠X超市巡視一番,見有特價肥牛,睇個賣
相又唔錯,加拿大呢欵淋D幾好.
呢隻美國肥牛,口感嚡D都可一試嘅.平就唔怕買.
做金菇肥牛卷,火鍋也可.
早排喺百X超市買咗呢包德國Continental肉腸.
正價唔平見佢特價貨,咁就買包試吓.
味道一般,軟淋淋,街市賣嘅蜜糖腸仲好味過.
今日睇報紙話快餐疑(縮水)間接加價.
唔使疑(直頭喺)E家去快餐店,唔識叫食物,
睇餐牌A餐唔知有冇飽,B餐又唔知有冇粉,
如果冇唔該加錢,仲要食唔飽.食晚餐,飯又小又唔熱,去餐廳好過.
有日,去九龍城肯徳X食早餐,柯打一個芝士
火腿扒,一打開喺麵包嘅頭同尾嗰兩塊, 咁都得!
通心粉冇料,D湯一個字酸,無哩味道, 杯奶茶淡
一D茶味都冇,你話點幫襯得落.所以好耐都冇去食嘞.
11月20日(2011)浸嘅洋蔥紅酒,終於在12月8日開咗嚟飲嘞.
味道?浸過嘅紅酒,酒味淡,帶有一D清甜,冇咗紅酒本身嘅
濃烈味道,識飲酒嘅就覺唔夠啃.
浸完酒嘅洋蔥會變咗棗紅色,可以用嚟炒餸食,一D都唔會
浪費.