油咀

昨日我家小姐去工展會,佢話現場人唔多,
我估d人去咗電腦展卦.
早幾日睇到卜友pansy在網上介紹呢個
油咀.
咁啱小姐要去嗰樹,第一時間緊喺比嗰
sample佢望一眼啦,多得pansy放上網,
老襯一齊做啦.
當時呢嗰攤位好多人喎,賣$50蚊6個咀
並送油壺一個,超抵.
之前喺家品店見連玻璃樽賣到$60蚊
有多,所以唔買點得.
不過個油咀喺鐵造嘅.

享受

聖誕假期好多人去旅行玩,咁啱嗰老友話
去台灣玩幾日,就咁托佢買樣健身用嘅
拍痧棒番嚟玩,哈.試過又幾好玩喎.

搵人喺背脊喺咁拍(當然唔喺博晒命咁拍)
感覺唔痛喎,仲好舒服添.
話會令d血液巡還快,毒素出.

豬肉

我用咗樽裝蕃茄醬,豬扒砌成粒煮埋一碟
 嘅扁意粉.
冇乜特別,但我個仔話好好味喎.

牛肉篇

今日去惠X超市巡視一番,見有特價肥牛,睇個賣
相又唔錯,加拿大呢欵淋D幾好.


呢隻美國肥牛,口感嚡D都可一試嘅.平就唔怕買.
做金菇肥牛卷,火鍋也可.

香腸

早排喺百X超市買咗呢包德國Continental肉腸.
 正價唔平見佢特價貨,咁就買包試吓. 
味道一般,軟淋淋,街市賣嘅蜜糖腸仲好味過.

金菇牛肉卷

上星期喺超市執到平貨,咁我就學人煮味,
金菇牛肉卷,先用熱水淥吓金菇,等佢半熟
然後將肥牛同金菇卷呀卷,好似幅相咁.



用易潔鑊小油煎,兩面反一反.

最後加燒肉醬汁,咁就完成嘞.

今時的快餐

今日睇報紙話快餐疑(縮水)間接加價.
唔使疑(直頭喺)E家去快餐店,唔識叫食物,
睇餐牌A餐唔知有冇飽,B餐又唔知有冇粉,
如果冇唔該加錢,仲要食唔飽.
食晚餐,飯又小又唔熱,去餐廳好過.
有日,去九龍城肯徳X食早餐,柯打一個芝士
火腿扒,一打開喺麵包嘅頭同尾嗰兩塊, 咁都得!
通心粉冇料,D湯一個字酸,無哩味道, 杯奶茶淡
一D茶味都冇,你話點幫襯得落.
所以好耐都冇去食嘞.

洋蔥浸紅酒

11月20日(2011)浸嘅洋蔥紅酒,終於在12月8日開咗嚟飲嘞.
味道?浸過嘅紅酒,酒味淡,帶有一D清甜,冇咗紅酒本身嘅
濃烈味道,識飲酒嘅就覺唔夠啃.
浸完酒嘅洋蔥會變咗棗紅色,可以用嚟炒餸食,一D都唔會
浪費.