焗油甘魚

今日去超市巡視吓業務 ,其實 ,  

得閒得滯 ,無所事事 .

見油甘魚做特價 ,咁就揀一條

今晚焗嚟食 .

未買過 ,見佢咁大條 ,低喎 .

即管試吓啦 ,焗完又唔腥喎 ,

又好厚肉 .

我落咗小小老抽 ,生抽 ,糖 ,

黑糊椒 .喺咁多 .

睇吓 ,正唔正呢 .

 

 

早餐

上星期三喺九龍城買咗一個飽 ,

唔知叫乜名 ,喺我小時候成日

會買嚟食嘅 ,有提子干 ,甜甜哋 .

再買一個蛋撻 ,好香架 .

去咗兩間餅舖買嘅 .

咪以為我咁大食喎 ,喺早餐 ,

加午餐 ,午飯冇時間出街食 ,

咁咪一次過買定囉 .

再講廣場間kfc杯奶茶 ,

奶多茶味淡 ,水準唔劃一 .

要自己講奶多 ,奶小咁架 ,

第間唔知使唔使咁嘅呢 ??

貝殼粉啲湯味道週不時唔同架 ,

有時酸 ,有時甜 ,好似睇心情咁 .

泰國毛茄

上星期路經惠x超市 ,入去走一圈 ,

見到有泰國毛茄賣 ,聽聞話用嚟

煲水飲 ,會降糖尿病喎 .

唔知點煮好 ,但我都買咗一包 ,  

再買金菇 ,靈芝菇 ,肥牛 .

將佢哋全部加埋一齊 ,

加小小鮑魚汁 ,打嗰獻 ,

咁就大功告成 .

後記 ;第一次食毛茄 ,又唔錯喎 ,

原來喺爽架 ,滑滑哋嘅 .

有興趣嘅可以一試 .

 

焗叉燒

再接再厲 , 早前焗嘅叉燒唔靚樣 ,

多得卜友雀後提點 ,咁我又再

試多一次 .

呢張相喺過年前影嘅 ,唔記得

放上網俾大家睇吓 .

汁就少咗啲 ,美中不足 ,

顏色都算似樣啲 ,靚過舊時嘅 ,

我自己就滿意嘞 .

韓國咖啡

昨日,放工回家, 我家哥仔話

買咗一樣嘢俾我喎, 我聽到梗喺

鬼咁開心啦. 一睇嘩乜咁細,

細罐裝嘅??

原來喺韓國咖啡嚟, 175ML.

CAPPUCCINO.雖然喺咁,

講真我都好冧嘅.

今日,我開咗嚟飲, 味道淡啲,唔夠味,

雀X, 大排X包裝夠味道啲.

大家嚟睇吓.

炆排骨

今晚煮咗一味 ,冬菇炆大排骨 .

材料:冬菇 ,雲耳 ,大排骨 ,蒜片 ,

八角3粒 .

調味料:老抽 ,生抽 ,冰糖 ,生粉 .

首先爆吓蒜片 ,  煎吓啲大排骨 ,

等佢靚樣啲 ,香啲 .

然後落冬菇 ,加一杯水煮二十五分鐘 . 

最後加雲耳煮五分鐘 .,埋茨汁

咁就完成嘞 .

有嘢派

昨日, 我家老板路過灣仔區 ,

見好多人手上攞住啲嘢 ,一睇 ,

原來有人派緊雀巢白咖啡 .

唔好執輸 ,梗喺攞埋一份啦 .

而且有兩包咁多添 ,有着數喎 .

呢個牌子之前飲過都算唔錯 ,

只不過價錢就賣得貴d囖 .

睇吓喺咁樣架 .

煎豬扒

今晚我煮咗一味煎豬扒 .

即買即做 ,非常簡單 ,

材料:生抽 ,老抽 ,蒜頭 ,

生粉醃佢一陣 .

跟住落油煎八成熟 ,放上碟 ,待用 .

洗鑊後放上爐 ,鑊熱落糖 ,

 加少許味粉 . 豬扒回鑊 ,

加蓋焗佢一焗 ,咁就ok嘞 .

我家啲哥仔 ,姐仔, 話好味喎 .

我煮嘢食嘅水平 ,就喺咁多咋 .

高手睇到真喺得啖笑 .

失禮晒 .

煎豆腐 ,蝦仁

今晚煮咗嗰, 煎豆腐 ,蝦仁 .

好簡單嘅餸 ,我家啲哥仔 ,姐仔 ,

話好好味喎 ,其實都無做過啲乜 ,

呢啲喺咪叫返璞歸真呢 .

開餐

開餐

月頭, 我哋一大班男家人團拜 ,

去土瓜灣一間酒樓開餐 ,價錢

都唔算貴 ,大致上都算唔錯囉 .

叫做大家坐埋食吓飯 ,傾吓偈咁 .

仲包埋紅酒 ,汽水潻 .

有相睇 ,去片 .