秋木耳

早排老友送咗啲秋木耳俾我 ,昨日我浸咗啲木耳
發開咗 ,嘩 ,有好多喎 .
咁我剪走啲<定>將佢出水 ,清洗乾淨 ,加紅棗 ,羗 ,
羅漢果 ,煲咗約一個鐘 ,然後搵攪拌機將佢攪碎 ,
入樽放雪櫃 .
我用一湯匙木耳碎加熱水開稀嚟飲 ,飲完個咀好黏架
膠質都好多 , 我諗對皮膚都唔錯嘅 .
如果有乜唔暢通 ,咁樣飲用真喺好暢快架 ,
清道夫好幫手 , 但試無妨噃 . 

再嚟菜肉包

近排天氣凍做焗麵包有排等佢發酵 ,等天氣冇咁凍
先至嚟玩過 .
呢個時候最好食熱辣辣嘅菜肉包嘞 ,he he .
咁我又嚟向啲高人學習一番嘞 .
今次呢個菜肉包算喺咁嘞 ,我自己就收貨嘞 ,
唔知試食嗰啲老友點呢 ?he he .
第一次做嗰啲包用咗高筋粉 ,食嘅感覺喺咽咽靭靭咁 .
第二次呢用麵粉加小小低筋粉咁就軟身啲 ,
我左溝又溝睇吓會點樣 .
做收口真喺考功夫嘞 ,最後一擰走晒樣 ,唔知似乜 !
材料:自己啄豬肉 ,冬菇 ,蝦乾 ,雲耳 ,洋蔥 ,椰菜 .
醃料:生抽 ,砂糖 ,鹽 ,雞汁 ,生粉 .

再嚟菜肉包

近排天氣凍做焗麵包有排等佢發酵 ,等天氣冇咁凍
先至嚟玩過 .
呢個時候最好食熱辣辣嘅菜肉包嘞 ,he he .
咁我又嚟向啲高人學習一番嘞 .
今次呢個菜肉包算喺咁嘞 ,我自己就收貨嘞 ,
唔知試食嗰啲老友點呢 ?he he .
第一次做嗰啲包用咗高筋粉 ,食嘅感覺喺咽咽靭靭咁 .
第二次呢用麵粉加小小低筋粉咁就軟身啲 ,
我左溝又溝睇吓會點樣 .
做收口真喺考功夫嘞 ,最後一擰走晒樣 ,唔知似乜 !
材料:自己啄豬肉 ,冬菇 ,蝦乾 ,雲耳 ,洋蔥 ,椰菜 .
醃料:生抽 ,砂糖 ,鹽 ,雞汁 ,生粉 .

自家浸海参

唔記得幾時買嘅海参 ,搵番出嚟浸定佢應吓節先 ,  
呢啲嘢真喺有排攪 ,之但喺我真喺好鍾意食喎 ,
麻煩啲都要學嚟自己浸 .
試過喺超市買急凍 ,解咗凍之後一pat嘢 ,淋吱吱 ,
超難食 ,幾平都唔會買 !
又試過喺街市買現成浸好嘅 ,好好食喎 ,但越食越驚 ,
咁爽口 , 唔知加咗啲乜嘢? 有冇哥士的呢?
最後都喺自己浸好啲 ,今次我呢煲海参浸浸焗焗
用咗6日時間先至叫做完成.

清潔挑腸 .

冬菇 ,海参蠔油炆好西生菜垫底 ,開飯食得 .

雲耳豬肉餃子/ 不一樣嘅蘿蔔糕 .

昨日又嚟包餃子 ,因為夜晚打邊爐 .
去街市買咗小量雲吞皮同水餃皮 .
原來水餃皮有分厚同薄 ,喺個老板問我要厚定要薄?
咁我先知道咋 ,真喺大鄉里 .
今次用豬肉碎 ,雲耳 ,唔記得買菜 ,所以唔喺菜肉餃 .

昨日真喺好忙又要啄豬肉 ,又想食蘿蔔糕 ,
但我又冇臘腸喎 , 最後我用咗豬肉碎 ,蝦乾碎 ,冬菇粒 ,  
用攪拌機嚟攪碎白蘿蔔 ,喺咁多料嚟蒸不一樣嘅蘿蔔糕 .