早餐

如常咁每天都去茶餐廳(吹水唔抺咀)
食早餐搵老友 .
例牌奶茶加個飽 ,喺唔識高嘅...
(睇吓佢)....菠蘿飽 .
呢日嘅(週不時) 菠蘿飽唔好食 ,唔得鬆軟 .
周師傅睇到俾幾多分呢?!! he he .

再嚟一張相 ,蛋tart .
個蛋撻嘅蛋喺凹咗落去嘅 ,唔喺出咗爐好耐咋 ,
唔知點解會咁樣 .

茄子

呢排放暑假真喺好得閒 ,唔使要趕住去瞓 ,
以前影落嘅相e家可以放上嚟 ,俾大家睇吓 ,
請多多指教 .
再嚟一個唔知邊日嘅傑作 .
(1)茄子切條 , 蒜頭兩粒 ,
(2)雞脾肉切塊 ,小鹽 ,糖,生粉 ,拌麵醬 .
先炒茄子畢起 ,後炒雞脾肉 ,加拌麵醬 ,
埋獻 ,完成 .

我家有個星君攪嘅傑作 .

豬肉丸 /三文魚骨.

買咗梅頭豬肉, 自己啄做肉丸.
加咗: 紅蔥頭, 冬菇, 雲耳, 糖, 鹽, 生粉, 水.
未蒸個陣睇見都幾好樣, 
蒸完我覺得嘛嘛哋好樣.
(唔知喺咪冇即刻拎佢出嚟, 焗壞咗.)
睇見飽咗.

再嚟一碟 (三文魚骨).
解凍, 落鹽小許, 黑胡椒, 煎佢一煎.
最後打個獻汁, 上枱開飯食得.

五花腩

打完風第日 喺超市買咗一舊(超細)嘅 五花腩,
嗰日乜鬼豬肉都冇, 只得攪碎豬肉.
見有人喺豬肉檔到等, 我巡咗兩個圈都喺冇,
細就細啦, 買!! (街市都喺咁嘅情況). 咁整咩好呢!?
喺雪櫃揾到樽 李XX梅子排骨醬.
咁就用; 紅蔥頭, 蒜頭, 糖, 米酒, 生抽, 水.
煮二十分鐘,完成. (喺咁意畢幾舊嚟影相先).
隔咗亱仲好味道.

牛蒡湯

唔記得邊日?喺百X買咗一條牛蒡,估佢唔到
竟然平過街市.
我用咗豬骨,肇實,蓮子,紅蘿蔔,無花果,龍眼肉,
嚟煲佢一個半鐘,味道都幾好. 

前日,我又煲牛蒡湯,近排好鍾意佢,
今次,我用咗粟米,瘦肉,猴頭菇,無花果,紅蘿蔔,
螺片,沙魚骨幾條,(加咗佢真喺好味好多嫁),
膠質重皮膚都靚啲, 唔使幫襯美容院

唔會俾人屈買嘢.
細火煲一個半鐘,有湯飲.

壺廬瓜

有一日睇到南方電視介紹清熱湯水.
其中一味壺盧瓜.
成日喺街市見到佢嗰樣,但我又唔識點整,得個睇字.
今次睇咗之後,去街市揀番個嚟煲湯,呢個好似(啤梨樣)    
切開嚟睇好似節瓜咁.
煲呢個湯用: 壺盧瓜,瘦肉,無花果,雞腳,雪耳,
冬菇,一個半鐘就可以,好清甜,唔錯.

焗稔魚

喺惠x買咗包稔魚,唔知點整好,我鍾意蒜頭,豆豉蒸,
但我家大大,小小唔啱佢哋口味.
試下煎啦,煎完拎去焗,未試過咁整,睇吓會點嘅樣?
解凍後抺乾水,有魚皮嗰邊界兩界易入味啲, 
落鹽,糖,黑胡椒,極小量雞粉.
煎佢唔使咁多油,(佢自己會出好多油)
兩面返佢一返,畢上碟放入焗爐五分鐘,
完成食得,佢哋鍾意咁樣喎.

   

焗雞

上星期去街市買咗半隻冰鮮雞,之前喺超市
買咗盒麥芽糖,咁今晚再接再厲整焗雞啦.
洗乾淨隻雞用啲鹽醃佢二個鐘,落黑胡椒,
蒜片,砂糖,老抽等適量.
放入焗爐焗佢十五分鐘(我個焗爐計),
拎佢出嚟(扮吓靚) 搽麥芽糖,再放回焗爐,
焗佢十分鐘,完成.
我家寶貝話靚樣喎,嘻嘻.
唔識斬雞,亂咁嚟.