慳皮晚餐

今日去百x行咗一圈,想買啲翠肉瓜,菜呀咁,
都唔靚樣,凈喺買咗一包(得半條),花青魚.
再去街市買翠肉瓜,菜,都喺街市靚啲.
返屋企巢吓嗰雪櫃,要清吓啲舊貨先,週不時見人買
自己又買,(慌死執輸咁),日子耐咗又唔記得買咗乜.
今晚搵到條稔魚柳,就整番一味..
翠肉瓜炒(好耐唔見)嘅 ...稔魚柳.哈哈.

再嚟一碟花青魚.
解凍後抺乾水,用刀界兩吓啲皮易入味,
落鹽,黑椒,少許糖,雞粉.
落油煎一煎兩面,跟住拎去焗一焗,完成.夠晒簡單.
我家寶貝話買得小喎.

再嚟一味炒飯