光波爐

學人賣嘢,自己又後知後覺.

機製烏冬

喺淘寶買咗部做麵機,終於到手嘞.
星期六開工試新嘢,用咗一包600g中筋粉做烏冬,
都喺咁用水,鹽,搓呀搓然後放埋一邊,等佢同我
大家都抖一抖,要回吓氣先.
抖咗一個鐘,然後將一大舊麵粉分開4小舊,
放喺部麵機來回壓2至3次壓平佢,然後就可以放落
麵機用手攪出烏冬,真喺快靚正,話咁快就做好.

同之前用手碌皮,冇得揮.

嗰日我壓咗8塊餃子皮,連埋自己絞嘅雲耳,豬肉碎,
撈埋一齊包餃子,真喺好易做,好好玩.

呢碗蕃茄紫菜,餃子,烏冬,咁就大功告成,
滑滑,飽飽,一個字,正.

自家絞豬肉.

早兩星期喺淘寶買咗部人手絞肉機,
話咁快就有貨收嘞.
類似呢D機喺好多年前我家大爺買過俾我用,
當時嘅設計同e家差唔多,都喺攪,
將部機放落枱攪肉點夾都唔實,仲郁郁貢,
整到把鬼火掉鬼咗佢.
咁e家淘寶賣套裝咪又買嚟試吓啦,喺吉C賣$129.
嗰日我搵半肥瘦豬肉切片,然後放落部機絞呀絞
話咁快就攪碎咗,真喺好方便,部機又唔會兩頭郁,
e家唔使喺超市買肉碎,要幾肥幾瘦都得,呵呵.
黑色嗰啲喺雲耳.

人淘我又淘.

喺網上見到blog友在淘寶買到啲寶物,睇到好開心,
自己上淘寶網頁睇,嘩,同一欵嘢多到呢...
睇到頭暈眼花,年紀大頂唔順,乜都未揀到,
要嗱嗱琳即刻上床瞓,真失禮.
再講,我唔識喺淘寶買嘢架,我要靠啲叻人幫忙.
左睇又睇我終於揀咗3樣嘢,登登...呢個喺套裝嚟嘅.
(1)絞肉機.

(2)做麵機.

呢啲喺送嘅.

(3)二日遊嘅旅行喼.

孜然雞翼 /花鯖魚

昨晚嘅孜然粉,黑糊椒粉加豉油,雞翼醃咗三個鐘,
部份雞皮我剪走咗,喺雞骨剪開一啲等佢入味啲 .
之後拎去煎一煎,焗七分鐘,咁就完成嘞 .

再加焗花鯖魚,懶人餐快靚正,開飯喇,yeah.

麵粉

銀髮師奶,我就喺用呢隻麵粉做寬條麵架 ,
我覺得唔錯,你可以買包試吓.
記得試咗通知一聲俾我學吓嘢喎,he he.

豉油膏

昨日,喺九龍城廣場,吉C島派廣告紙周三特價日,
呢日做(台灣食品),品種唔算多,價錢一般平,
我買咗一枝金蘭油膏,好似豉油咁樣,但,佢喺杰身嘅,
我買嚟煮食用整色整水,我未用過呢啲油膏,
喺網上見燥肉,鹵肉,啲色水幾靚.
俾完錢番屋企先睇到張招紙寫住內銷,
點解我喺吉C島買到嘅?

寬條麵

早幾日下午,攪攪震再嚟做麵條 ,因無做麵機的關係,
用手切麵條所以有長,短,粗,幼,樣樣有,
故此唔靚仔喔,真失禮,he he.
我第一次用呢隻麵粉,煮熟食落口唔喺淋吱吱
都算唔錯,而且唔貴,買得過.
大家有興趣嘅不妨買嚟試吓.