蒸黃骨魚

豆豉蒸黃骨魚,呢味餸係7月暑假去韶關玩時,食過覺得
好好味, 咁我又學人整. 係街市唔見有大條賣, 見到嘅都係細條嘅.
做法好簡單, 先將豆豉用油爆香,加少許米酒,水,糖,然後放落魚上,
一齊蒸, 咁就得嘞. 條魚得一條骨, 而且好滑, 又唔貴, 大家不妨試吓.

茘枝酒

係幾個月前,在網上睇見d卜友浸茘枝酒,
覺得幾得意, 胆粗粗學人浸.
我買左玉冰燒一大樽, 冰糖少量, 茘枝無
去核嫁, 唔知啱唔啱, 因為有d話要去核,
有d話唔使, 咁我懶, 揀左連核一齊浸.
今年6月浸到現在, 而家見到變左黃黃地,
我諗住冬天開嚟飲 試吓, 睇吓咩味道先.

浸柑桔水

早排同卜友講, 我浸左樽柑橘, 今日得閒拎出嚟睇吓變左咁.
啲鹽仲有咁多?  唔知道點解會咁?  09年2月到現在.
睇個樣又無乜問題,  啲柑橘係啡色, 我個朋友曾經比過一d我,
喉痛沖水飲, 係黑色嫁, 可能年期未夠卦?
有無人解答我呢?