紅酒

昨晚,上網見討論區講 <紅酒>
又幾好睇喎, 見人哋將紅酒相放出嚟,

教人揀邊隻酸, 甜, 醇,好味道,
平, 貴,低買咁.
咁,我今日去咗超市巡視吓. 佢哋話
有時會有平貨咁話喎.
果然,真喺有啊. 唔好執輸我都學人
買番啲.
睇吓啲戰利品, 唔好比佢嚇親,
嘻嘻, 全部都喺平貨嚟咋.  

一人晚餐

今日佢哋去晒街,得我自己一個人.
咁今晚我就煲番熱啲隔夜湯飲.
煮嗰一人餐食先.
材料:黨参,木耳,冬菇,紅棗,煲雞湯.
啲湯雖然隔夜咋,但都好好味喎.
啲顏色都算幾好樣咁啦.

一人份量嘅雜菜煲,喺咁易落啲算嘞.
材料:西蘭花, 大白菜, 腐竹, 兩粒豬扒粒,
自家製豬肉丸, 雞翼.
全部都喺小小.

全部食清光,仲有碗湯未飲,哈哈,飽晒.

2人晚餐

昨晚唔使煮飯,又可以偷懶,唔使諗整餸,
啲寶貝去晒街,唔使理.我家老闆話出街
搵嘢食喎,咁就一於起行囉.
去咗間茶餐廳叫個2人套餐.
呢嗰滑蛋蝦仁餐,啲蝦暖嘅,除咗咁都
算可以啦,好又一餐唔好又一餐.

嗰套餐包一碗飯, 湯,就喺咁樣.

另外個套餐,茄子班腩煲,呢個唔錯幾好味道,
夠熱.





埋單就喺咁嘅價錢嘞.都好過 美,大 xxxx等快餐店嘅.

 

一品鍋

年初4晚煮嘅一品鍋,見有乜嘢食就放曬
落嗰煲度.
材料有:青口,蝦干,豬扒粒,自家製豬肉丸,
浸咗一晚嘅乾枝竹,嘩,呢嗰超好食,好滑,
頂呱呱,(多謝亞哥呢包枝竹.一個字(正))
大白菜,幾粒西蘭花咁啦.
不過,都攪咗好耐,真喺手腳慢.
仲有,一煲湯,侯頭菇,牛蒡,螺片,准山等等....
配料好索水,煲好得嗰幾碗.
下次落多啲水.哈哈.

龍年初一早茶

昨日年初一, 中午時份,同亞哥佢哋一齊
去飲茶食一大餐, 睇吓枱面幾豐富,
都未嚟齊,啲食物都唔錯,幾好食.不過,
段估價錢都唔平囉.
真喺好開心,多謝哥哥賜我哋飲食,haha.
出年又嚟過.yo.
大家食過,飲過,都行運一條龍.
身體健康,事事如意.
睇到嘅都一樣.



 

牛蒡湯

年廿九團年飯, 自家煲嘅.
牛蒡, 猴頭菇, 無花菓, 雞骨湯.
有份飲嘅都話好飲喎.
好過出街食, 唔使同人迫, 可以慢慢食,
又可以圍埋大家吹吓水. 哈哈笑.

自家製盤菜

年廿九當晚,自己第一次煮嘅自家製盤菜,
材料唔嘢少,好唔好食就見仁見智啦.
段故都呃得吓人嘅,哈哈.
成本都唔喺要好多分錢啫.
嗰煲仲貴過啲餸錢,萬0印花換媽人,
 今晚剪綵,唔錯.全部食晒.皆大歡喜.
祝個個龍年行好運.

孔雀

早兩日,老友送咗嗰用利是封摺成嘅
孔雀比我,好靚,佢真喺好叻.
 祝大家龍年行好運.

晚飯

星期日同亞哥佢哋一齊食飯,樽vsop
一個字勁好味道
啲菜款式唔錯,我鍾意,求其影幾張相
睇吓,價錢都唔算平,多謝亞哥呢個大餐.

   

   

食共瞓

古勞水鄉之<自家制>晒鹹魚.
我啲老友有買,佢哋煮嚟食話唔鹹,
喺甜嘅,用豉油浸嘅喎.我屋企人唔食
鹹魚, 所以冇買.

食共瞓

古勞水鄉之<自家制>晒鹹魚.
我啲老友有買,佢哋煮嚟食話唔鹹,
喺甜嘅,用豉油浸嘅喎.我屋企人唔食
鹹魚, 所以冇買.