橙汁蛋糕

上星期, 第一次學人焗橙汁蛋糕,
我用咗2隻大雞蛋, 自發粉, 砂糖,牛油,
唔少得嘅一個大橙榨成汁, 就喺咁多 .
今次焗嘅橙汁蛋糕做得成功. 但, 美中不足
嗰蛋糕頂焗燶咗.
原因喺,當我拎走張錫箔紙都未放低, 
嗰蛋糕已經升高頂上發熱綫, 嚇C我,就喺咁燶咗 .
不過, 呢個蛋糕好軟, 又好好味喎 ,呵呵 .

仿韓式粉絲

睇得韓劇多見佢哋整, 韓式粉絲餸好吸引,
早幾日, 我又心思思照樣跟住做, 佢哋D粉絲粗身啲 .
我就搵呢度啲粉絲, 頂住檔先, 如果, 做得好嘅...
我就去吉G買番包正牌嘅 .he he .
材料:豬扒肉切條, 青, 黃椒, 矮瓜一條, 粉絲一大扎 .
調味料: (適量)  雞粉, 老抽, 燒酒 ,
             (先前買嘅)台灣醬油膏 .
做法: 先將粉絲浸透, 然後用水加雞粉煮熟, 
         水嘅份量多一啲, 等佢索入味 .
         開火炒熟以上材料, 加粉絲, 加全部嘅調味料
         撈埋一齊, 咁就完成嘞 .味道唔錯架 .
台灣醬油膏味道, 酸咪咪, 鹹鹹哋 ,顏色唔深色 .

呢個炒翠玉瓜加咗醬油膏,都唔深顏色 ,
好味道.

吞拿魚包

星期一嗰日, 好想食三文治, 咁喺街買咗半磅方包 ,
番屋企開吞拿魚罐頭用沙律醬雪凍佢 ,
下午茶有得夾麵包食 .多咗嘅...
留番一半用嚟第二日焗麵包 .
我今次用大白菜麵粉, 用飯煲量杯, 一杯半.
可以焗5個精裝品(細)吞拿魚包 .
一出爐攤涼後食番個試吓先, 嘩...卜,卜脆 .
口感似食緊..法包..咁, 好得意, 未試過架 .
第二日, 個吞拿魚包唔脆囉 ,軟身咗 ,
都一樣咁好食 ,嘻,嘻 .

焗豬扒飯 /薯蓉

今晚, 第一次試做焗豬扒飯 .
材料: 豬扒, 蕃茄, 芝士, 青, 紅, 黃,椒 ,
茄汁, 喼汁.
全部材料預先煮熟,加白飯放落焗兜,
喺豬扒上放芝士碎, 入焗爐,
等芝士碎蓉咗 ,咁就..開飯啦.

出街食薯蓉好好味, 今次學人整睇吓會點樣.
我揾咗一個薯仔, 將佢切片蒸熟 ,
加鮮奶, 鹽, 牛油, 雞粉,搓成蓉 ,
然後加芝士碎,入焗爐, 咁就完成嘞 .
亞仔話好好味喎 .

椰汁蛋糕

昨晚開咗包椰汁煮菜, 有剩留待第二日用.
今晚, 煮飯前稔起包..椰汁, 攪乜好呢??>0<
打開雪櫃攞隻雞蛋, 咁就試做椰汁蛋糕啦,
未做過架, 唔知會做成點? 
材料:雞蛋, 椰汁, 水,砂糖, 自發粉, 份量隨意, ha ha .
加砂糖, 蛋白打到企身.

 
倒掛都唔會跌落嚟 ,睇吓.

蛋黃, 自發粉, 椰汁, 水,撈埋一齊,

再之後加入蛋白, 輕手全部攪拌, 放入焗兜,
在枱上躉吓佢喎, 啲高人喺咁講架, 
我都有咁做.

焗完就喺咁嘞,好鬆軟,有椰子嘅香味,
好彩今次都見得吓人, he he.

亞仔買

亞仔去日本旅行,佢話喺池袋呢個地方,
買咗一個矽膠括俾我,等我鬼咁開心,
(日本買嘢,原來佢喺大陸做嘅.)  .>呢個唔喺重點 <
一睇 乜乜....咁咁....大大....個個....
我心目中喺吉豬...嗰隻架.
哎呀你哋睇吓,幾大個,he he.

泰國菜

星期六下午,亞女帶亞媽入戲院睇戲,嘻嘻,喺睇卡通片,
(怪獸大學),都唔知幾耐冇入戲院睇戲,大鄉里. 
衰鬼又幾得意喎,唔錯噃.
睇完戲逛咗一輪街,喺黃埔食泰國菜,
叫咗個青咖喱豬肉,好味道,粉絲牛肉,都可以,
芒果雞肉,鹹D麻麻哋.
叫咗3個白飯,好大碗,撈青咖喱汁最正.