早餐

早前講過喺2月份在九龍城廣場食早餐,
嗰杯咁嘅奶茶,真喺飲到o晒咀, 啲奶時多時少,
杯奶茶時黑,時白,之前影咗相唔記得放出嚟
比大家過吓目.另一杯加番奶好啲喎.
我鍾意去嗰樹,因為地方大闊落坐得舒服,
可以睇報紙咁.
但杯茶!唉!!!飲到頭行.
嗰老表亞嬸,睇佢嗰樣,好似喺我唔啱咁.
我就嚟x十y佢.
隔離嗰間m記好好多,但,日日食m記咁又冇益喎,
嗰樹唔夠光猛,老花唔掂擋,只好忍忍.

行街街

上星期六又北上,今日去深圳宜家睇嘢,
隔離又有一間b&q, 嘩,好鬼大間架,                                       
宜家都唔嘢小,又喺好鬼大間架,我成個大鄉里咁.
花多眼亂,一入門口就聞到一浸味,
喺香味,嗰肚當堂打晒鼓,如果喺度食嘢
有好多位俾人坐嘅.
我掛住四圍睇嘢八卦,冇坐低搵嘢食.
宜家賣嘅嘢有啲真喺平過香港嘅,
例如普通嘅坐櫈賣人仔$24.5兩張,超抵,我冇買.
跟住行過隔離b&q.走馬看花睇咗一陣,
咁就走嘞,然後去食晚飯.
呢餐去咗深圳翠華餐廳食,唔喺好貴,
不過啲餸菜就咸咗啲.
下次又再去玩過,影多啲相先得,
留番返屋企慢慢睇先至得.

行街街

早兩個星期我家老板,小姐,一行三人北上,
由皇崗出發去寶安北路行街.呢度有b&q公司,
嘩,好鬼大間好多家居用品賣,大多數女仕們
睇到都開心,可以行足大半日,最開心嗰個
梗喺我啦.我買咗個電水壺,超抵.
嗰日因為下午晏起程, 所以比較趕, 喺咁意
呢度望吓嗰度望吓咁,真喺未夠皮架嘛!!
咁又話走喎,走去邊?咪趕住去食飯囉.
呢間西湖飯店8點後鐘有啲菜肴就冇得賣,
叫咗碟煎嘅魚,佢就炸咗佢,成碟柴皮咁俾我哋,
碗白飯凍嘅,食咗一啖先知道,同伙記講凍嘅??
咁,碗飯打回頭再嚟喺熱咗,但先前食過一啖
嗰碗原整無缺咁俾番我哋.
想話加多個餸,佢哋就會問喺咪埋單?          
唉!! 趕收工都唔使咁架.
真喺要大叫一聲, 救命呀!!!

三文魚頭

呢幾日超市三文魚頭做特價,大x仲底會員價
唔使20蚊有兩個,任揀.

煮稔魚

星期一去超市買咗兩件稔魚, 咁嗰日嘅晚餐就
簡簡單單煮佢嚟食.
材料冇乜, 只喺老抽, 生抽, 米酒, 水, 糖, 少許,
蒜頭兩粒, 蔥一條, 煮五分鐘, 咁就攪掂.

 

炆飛排

星期三嘅晚餐, 好難買到嘅飛排, 遲去買就無貨, 嗰日真好彩.
屋企有個洋蔥, 咁將個洋蔥砌成幼絲,下油落鑊炒下啲洋蔥,
等佢軟身出味, 蒜頭兩粒, 八角兩粒, 飛排原先已經兩邊煎過,
跟住放埋落洋蔥到,再加老抽, 生抽, 水一杯, 煮二十分鐘,
最後埋獻,完成後呢個餸喺甜甜哋架, 因為洋蔥煮熟咗會甜啲.
咁就食兩碗飯冇走雞.

驚嚇

今日喺假期嘅最後一日,

我家一干人等全部去晒街.

咁,我自己無所事事, 搵個蕃薯

煲番碗糖水食先 ,睇吓電視咁.

嘩>.<一睇嚇壞人, 啲黑庶??!!!

啲內地買手喺農村同啲農民買庶,

呢頭買入嗰頭就即刻噴(咪鮮胺)

作用喺唔俾啲庶頭變紅或變黑,

唔喺保鮮架, 專家話會(食壞人架).

啲庶話運去浙江嗰邊喎,

唔知我哋呢邊有無問題呢??!!

咁仲飲唔飲庶汁好呢!!!!

我哋呢邊運送近啲,使唔使???

噴(咪鮮胺)呢!!!!!!

真喺要叫聲大佬呀,

拎啲良心出嚟啦, 唔該.