蛋糕

早幾日再嚟焗蛋糕 ,我要努力 ,加油 .

今次個蛋糕終於識得高嘞 .
喺呢度多謝卜友ka ka題點 ,之前我啲蛋糕唔識高,
喺啲蛋嘅問題 ,e家我買嗰第二啲蛋嘞 .
比起之前嘅蛋糕真喺好好多 ,
我家話事人食到咪咪咀 ,大家心照 ,我又偷笑 .

麵包

上星期日, 焗完月餅有時間再焗麵包,
今次用光波焗腸仔飽, 肉鬆飽 .
用光波焗飽面冇問題 ,但飽底要翻轉嚟焗 ,
比起焗爐光波就麻煩一啲 .

新手做月餅

上星期日 ,第一次學人做月餅 ,貪得意照跟 ,
做成點?梗喺失敗啦 ,失禮C人.
搓完粉又冇等兩個鐘等佢發酵 ,衰心急 .
我用咗麵粉做 ,好似唔啱 .
喺網上睇啲高人整月餅好似用低筋粉 .
我做嘅月餅睇就可以 ,食就唔得 ,<好實>
有樣睇 ,he he

焗黃腳立魚 /燒肉 .

星期四喺街市買咗一條黃腳立 ,
今次試用錫紙包住嚟焗 .
調味料: 韓國麵豉醬 ,老抽 ,米酒 ,糖 ,水 .
咁樣焗法味道唔錯 ,好味味 .

買咗一條細嘅五花腩 ,再嚟焗燒肉 ,
仲未成功 ,下一次再嚟過 .

麵包 /蛋糕

呢個星期上咗焗麵包/蛋糕癮 ,煮飯前做定發飽 ,
食完飯就去焗飽 .
今次嘅相喺呢幾日焗嘅肉鬆飽 .腸仔飽 .
吞拿魚飽 .蛋糕 .

今晚焗咗呢嗰香蕉蛋糕 .

焗麵包

星期一 晚又焗麵包 ,今次加咗奶 ,牛油 ,
落咗牛油嚟搓麵粉 ,真喺唔同嫁 ,
今次我焗芝士蟹柳飽 ,肉鬆飽 .
焗完出嚟meet開嚟睇好幼滑 ,食落口好味道 ,
因為有芝士同蟹柳嘅關係 .

星期二晚食完飯 ,又趕住焗麵包 ,
亞仔又話想食焗蛋糕 ,於是趕呀趕 ,焗個大嘅 .
昨晚差不多一點瞓 ,雖然喺咁 ,
睇見啲制成品好開心 ,靚樣就冇份嘞 ,我知he he .