我鍾意食花鯖魚, 呢一晚我又焗.
開爐預熱後,放鯖魚焗一陣, 然後加入
醬汁用: 蠔油, 老抽, 砂糖, 米酒.
就咁簡單.自己做豬肉丸,材料有:豬肉碎, 蝦乾, 蒜泥, 鹽,
水, 生粉, 米酒, 老抽.
將以上材料撈埋一堆, 跟住撻呀撻, 咁就會爽口啲,
下一部半煎炸等肉丸表面硬身.
白蘿蔔先煮15分鐘, 後落豬肉丸煮5分鐘,
埋獻,關火焗10分鐘等白蘿蔔淋身啲,
完成, 上枱開飯食得.
星期五煲紅蘿蔔, 雪梨, 雪耳, 瘦肉湯.
攞起幾塊紅蘿蔔用嚟榨汁, 留待夜晚發包用.
喺網上見到紅蘿蔔包,好靚, 咁我又想試做吓,
好嘢嚟一於照跟.
將紅蘿蔔汁加落高筋粉, 砂糖, 牛奶, 酵母, 水,
全部撈埋一齊搓.
最後加小小牛油, 再搓成一個小波仔,
放埋一邊等佢發大.
之後排氣, 造型, 入雪櫃留待第二朝早焗包.
加咗小小蕃薯蓉.
紅蘿蔔汁
星期六晚發定包包 ,第二日瞓醒解凍後拎去焗 .
今次做咗幾個包 ,腸仔包 ,肉鬆包 ,黑芝麻包 .
早前焗過好多次蛋糕 ,總喺唔成功 ,真喺好氣餒 ,
上網睇過無數次 ,見人哋做得好靚 ,睇完心思思
又去再做過 ,當然 ...又衰咗啦 .唉??
有一日(唔記得?日)我終於搵到個高人owenmama卜,
喺佢嗰樹我學到嘢喇 .多謝佢嘅分享 .
你哋睇吓我嘅cup cake.幾靚 ,我覺得咋 .
he he我加咗咖啡粉 ,焗完出嚟好香架 .
我家領導人讚不絕口 ,問仲有冇喎 ,真喺少有.
嗰日我幾咁有成功感 . 再一次多謝高人嘅分享 .
星期六晚同亞仔去譚仔食米線, 之後去一田
行咗一圈, 買咗一塊細芝士, 上面寫住荷蘭產喎 .
唔記得影番張靚相添.
呢塊芝士味道淡一啲, 唔鹹.
咁夜晚發定包, 留待星期日做芝士包.
早幾日喺卜嗰樹睇到高人(唔記得個大名添)做辯包,
咁我又一於照跟, 喺就喺醜樣咗啲, 我會繼續努力.
昨晚發定麵粉, 今朝瞓醒就去焗麵包 .
做咗兩欵包, 腸仔包, 蕃薯包.
今次喺買加拿大香腸, 呢隻腸焗完出爐,
聞到好香味, 而且味道唔鹹 .呢個蕃薯好琳甜, 好味道.
昨晚, 第一次學人焗咖啡雲石蛋糕 .
材料: 用咗兩隻雞蛋, 半茶匙咖啡粉,
40g低粉, 10ml牛奶水,砂糖半湯匙.
今次咖啡奶水落多咗喺蛋糊度,
因為個焗兜細個, 喺咁落咖啡水,呢度做錯咗,
做出嚟嗰樣冇咁靚, 味道就可以 . 呢度喺蛋糕底