中式包 / 雲吞餃子 .

昨日無所事事 ,學人做中式蒸包 .
材料: 用麵粉加水落小小鹽 ,砂糖 ,搓粉 .
我手多多加咗小小焗包嘅湯種落去一齊搓粉 .
餡料:豬肉碎 ,雲耳 ,大白菜葉少許 .
醃料:老抽 ,砂糖 ,雞粉 ,米酒 ,全部少許 .
因為我未做過呢啲蒸包 ,今次我只喺做咗5個唧 .
粉就搓好 ,餡料醃好開始包嘞 ,水滾落鑊蒸約15分鐘 .
唔知喺咪因為加咗小小湯種(因有高筋粉),
食落口有啲煙煙靭靭嘅感覺 ,好得意 .

餡料有剩買咗雲吞皮包埋佢 ,只包得8隻 ,
今日下午茶 ,淥江瑤柱麵順手煮埋佢嚟食 ,好味味 .