豬扒 / 光波雞

呢一排放新年假人都懶咗好多, 日日掛住煲韓劇 ,
煲到唔收得手. 乜都唔做 .
連焗麵包都冇做過 ,等天氣暖一啲再嚟過 .
上星期去超市買咗幾塊豬扒 , 醃定晚上煎 .
煎好後用咗自家嘅隨意汁做芡汁 ,味道...好味味 ,
下次肯定...做唔番 ,因為喺>隨意<嘛 .he he .
塊豬扒幾稔喎 ,估佢唔到 ,又喺未必買得番咁嘅樣 .

再嚟一個光波雞 .

我用咗薯仔 ,半邊雞加咗花椒粉 ,香草 ,光波爐焗 .
呢隻喺急凍泰國雞 ,皮薄 ,肉質唔錯喎 .
無意中喺超市搵到 .