焗大排骨

昨日去街市買豬仔骨 , 點知冇貨 .
街市亞嬸喺冰櫃拎咗舊大排骨 , 求其界咗一大舊
自言自語話呢舊一樣咁好食 .
我問佢呢舊豬仔骨 ? (明知唔喺) .
亞嬸只喺識講一樣啫 , 好食嘅 , 好多人買嚟整架 .
我又問好食嘅 , 咁 , 我下次嚟買都要識講 ,
喺乜嘢嚟先得架 !
咁 , 佢先話我知喺...一字排 .
衰鬼格冇豬仔骨又唔講明 , 鬼鬼祟祟 ,
即刻搵架機器界咗一大舊俾我 , 咁我都要啦 .
我只喺驚舊排骨un啫 .
今朝一早醃一字排 , 夜晚李X記叉燒醬焗 ,
今次顏色焗得好靚 , 排骨都可以啦 .