焗包公 /蛋糕

昨晚焗芝士包 ,加多兩個肉鬆包 .
就喺焗呢兩個肉鬆包咁就出事嘞 .
話說昨日發嘅包我左睇右睇都覺得佢鬼火咁靚 ,
越睇越開心 ,發到咁大個 ,因為唔喺成日都咁靚嫁 .
搽咗蛋漿放咗佢入焗爐 ,諗住等佢乾身一啲 ,
就放張錫紙喺包嘅上面 ,等等吓 , 唉...
我竟然走咗出廳去睇報紙 ,睇睇吓我個腦叮著咗 ,
我個包呀 ,就喺咁佢變咗包公 .
今朝食早餐將個包面飛走佢 ,竟然冇問題喎 ,
好靚仔添 ,仲好好味道 ,真好彩 ,he he . 

順手焗多個蛋糕 ,睇吓佢識高架 ,
幾靚 ,我成功啦 .再一次多謝ka ka提點 .