蒸稔魚 .

昨日又喺超市買咗包急凍稔魚 ,一舊舊 ,硬撐撐 ,
夜晚煮飯將稔魚解凍後 .
用 :蒜頭 ,豆豉 ,米酒 ,鹽 ,糖 ,蒸十分鐘 ,
打開鑊蓋聞到香噴噴 ,估唔到又會咁好味喎 .

(焗雞翼) 買咗一磅雞翼用鹽 ,糖 ,黑糊椒 ,小許雞粉 ,
老抽 ,米酒 .
點知焗完出嚟有啲雞皮甩咗 ,可能我焗之前

將部份雞皮切走 ,所以焗完就咁(難睇) ,
味道尚可 .

呢味炆五花腩我個星君一路食一路話好味喎 ,he he.

呢碟喺今晚嘅獨估一味懶人餐 ,只不過加咗腐皮 ,
呢個腐皮好好味道 ,下次買多啲至得 .