釀苦瓜

昨日買咗一舊梅頭豬肉 ,唔知整乜好 .
去街市行咗一圈買咗個細嘅苦瓜 .
諗諗吓就煮釀苦瓜啦 .
材料:豬肉 ,蝦乾五隻 ,蒜頭一粒 .
醃料:老抽 ,鹽 ,糖 ,米酒 ,水 ,生粉 ,(全部少許) .
調味料: 老抽 ,糖 ,生粉水 .               
將豬肉 ,蝦乾 ,蒜頭 ,全部啄碎 .
加埋醃料一齊順時針攪到起膠 ,釀入苦瓜內.
燒熱鑊煎兩面加水 ,加蓋煮五分鐘 ,埋獻完成 .
煮完好似隻船仔咁 ,幾得意 .加咗蝦乾好味道 .